انثر بين ايديكم قصيدة الشاعر -خالد البقمي0اتمنى ان تنال اعجابكم وهي من شريطه منال الحب--
للحب في عينك تعابير واسرار=فيها الذكا رغم الكسل في هدبها
من دونها الغربه مثل غربة الدار=وفي عيونها تلمح عيوني عربها
الطفله اللي طيرت سرب الاشعار=باحساسها الراقي ورقة عتبها
اليا تخيلها الندى فوق الازهار = البرق في خد السحابه كتبها
شب الخجل بخدودها جمرة النار=لين اشتعل شمع السهر من لهبا
شمس خذت من خصلة البين تذكار=والنور ياخذ هالته من نسبها
نجمة سنا تختال في عرس الانوار=اخت القمر لولاه اخوها خطبها
اليا بكت واليا تغنت على الطار= في حزنها يغري ويغري طربها
تقول تمشي في المحاسن وتختار=لو كان فطره والله اللي وهبها
جيتك وروحي تمتطي كل الاعذار=الشوق يدفعها وحسنك جذبها
ولو العرب تطلب من عيونك الثار=الموت واحد وانت رمشك سببها
لاهوب لاذنبك ولا ذنب الاقدار=النار ماتختار حزمة حطبها
الإهداءات
10-Nov-2008, 01:14 AM 
اعجابي2 -من قصايد خالد البقمي-شريط منال الحب 
المواضيع المتشابهه 
العرض الشجري
