من قبل أشوفك أصبح القاف ولهان
وبيت القصايـد زاد نـوره بنـورك
بس يتحرى شوفتك عبـر الازمـان
في عالمه عايش بظلمـك وجـورك
واليوم طال وصرت ضايع بالاكوان
جالس أحاتي ولا عرفنـا لشـورك
أنتي ملكتي كـل حـس ٍ ووجـدان
وصرتي بعيني وسط نفسي حضورك
عندي أحسك جالسه والحكـي زان
وأشوف صمتك لا يق ٍ مع سـرورك
وأخذ كلام العين بتحريـك الأجفـان
وأسمع أنا همسك والحيا في ظهورك
وأمسك أيدينك وأحلف بكل الاديـان
أني أحبك وأعشقـك فـي غـرورك
أنتي بعيني جنـة ٍ لكـل الاوطـان
وأحلى قدر شفته بلحظه حضـورك
يارب أنا طالبـك ياعالـي الشـان
تحفظ حبيبي من مخاطـر شـرورك
وأخر حروفي لك وأنا دوم ولهـان
أجعل غرامي سيّـد فـي شعـورك
منقول
05-Jan-2010, 05:05 PM 
أجعل غرامي سيــّد في شعورك 
" 
العرض الشجري
