بسم الله الرحمن الرحيم
رواد هذا الصرح الشامخ
السلام عليكم ورحمة الله وبركاته
يشرفني ان اضع هذه القصيده البسيطه بين ايديكم
واتمنى من الله ان تحوز على جزء بسيط من اعجابكم
الجادل اللي شفتها بعد انقطاع ٍ دام عام=جتني وكنها من لهيب الشوق تحبي لي حبي
يوم اقبلت قلت اسمحي لي اوقف بكل احترام=ودي أكحل ناظري واشفي من الشوف تعبي
يالعن ابو الاشواق ,, يالبيه ,, ولا ياسلام=إلا فديت كفوفك اللي ماسكه في منكبي
وش ذنب عيني في رجى لاماك تسهر ماتنام=وش ذنب قلبي يوم قطّـعتيه ياشبه الضبي
وش فايدة قصر ٍ بنيته داخل ضلوع ٍ حيام=وش فايدة عمر ٍ عطيتك ماتحقق مطلبي
قالت عصاني حظي اللي طاح ثم مازاد قام=والشوق شاهد والظروف ,, وقسوة الايام بي
لا تحسب اني يوم جيتك ناقصه هرج وملام=جيتك ابيك تلمني من هامتي لين كعبي
تكفى ! وانا لى قلت تكفى ,, عارفه تاريخ يام=انهم هل الفزعات واني ذاخره منهم صبي
قلت ارحمـوني من هوسها لا عثى فيه الظلام=إلا على صدري تحدي كل همك والعبي
مادام هذا مطلبك (ياويل حالي).(ياحراام)=ولا على طاري التوجد (ياسبي حالي سبي)
ماقطـّع كبود العطاشا كون مرواح الغمام=والحين يوم الله جابك هاتي اشرب واشربي
كم قد سريت آخايل البراق في ليل العتام=وارجع من الياس مغلوب وشايل ٍ ضيم ركبي
زلي على ماطاك وانسي من تناهيت الغرام=همك جلا دامك وزيتي ,, (وارحبي ثم ارحبي)
قالت انا لك , وانت لي والعالم الباقي حطام=هذي انا مابين يديك ,, آمر تدلل ,, وشتبي ؟
قلت اشهد ان الشوق فاضح لا رحم جد الهيام=وانتي على ماقالوا العشاق (طبي وسببي)
ولا وعيت الا على صوت الإقامه والإمام=وآفز كني فاقدٍ لي شي ,, وآمس شنبي
واثر الحكايه كلها اطياف حلم ٍ في منام=واثر العشيقه عند اهلها ,, وانا عند امي وابي
وسلاااااااااااااامتكم
20-Jan-2008, 01:16 AM 
الــ ج ـــادل 
المواضيع المتشابهه 
العرض الشجري
